Том чакка ўтишининг асосий сабаблари — нотўғри монтаж, паст сифатли материал, бутловчи қисмларнинг етишмаслиги ёки том қиялигининг нотўғри ҳисобланиши. Muhtasham Tom мижозларига расмий кафолат сертификати беради — муаммо чиқса, жавобгарлик оғзаки ваъда эмас, ҳужжат асосида компания зиммасида бўлади.
Чакка ўтишининг энг кўп учрайдиган сабаблари
- Винт ва уланиш жойларининг нотўғри ёки бўш ўрнатилиши.
- Бутловчи қисмлар (герметик лента, ўтиш элементлари) етишмаслиги ёки тежаш мақсадида ишлатилмаслиги.
- Том қиялиги материалга мос ҳисобланмагани — сув оқими тўғри йўналмаганда.
- Паст сифатли ёки қалинлиги етарли бўлмаган материал ишлатилиши.
- Вақт ўтиши билан табиий эскириш — парваришсиз қолган томларда тезроқ юз беради.
Олдини олиш йўллари
Muhtasham Tom’да бу муаммонинг олди бир неча босқичда олинади:
- Сифатли материал — 0.35-0.5 мм қалинликдаги, полимер қопламали профнастил ва металлочерепица.
- Тўғри монтаж — барча бутловчи қисмлар (водостойка, снег держатель, кронштейн, герметик лента) тўлиқ комплектда, белгиланган стандартлар асосида ўрнатилади.
- 15 кунлик техник текширув — иш якунлангач, монтаж сифатини яна бир бор текшириб чиқамиз.
- Расмий кафолат сертификати — муҳр билан тасдиқланган ҳужжат, том тафсилоти ва кафолат муддати кўрсатилган ҳолда берилади.
Агар том аллақачон чакка ўтса нима қилиш керак?
Биринчи навбатда муаммо манбаини аниқлаш керак — бу одатда винт тешиги, уланиш жойи ёки бутловчи қисм атрофида бўлади. Muhtasham Tom мижозлари кафолат муддати давомида бизга бевосита мурожаат қилишлари мумкин — муаммо кафолат шарти бўйича бепул бартараф этилади.
Қўшимча саволлар
Том чакка ўтса кимга мурожаат қилиш керак?
Агар том Muhtasham Tom томонидан ўрнатилган бўлса, кафолат сертификатидаги телефон рақами орқали тўғридан-тўғри бизга мурожаат қилинг — мутахассисимиз муаммони текширади.
Кафолат давомида таъмирлаш бепулми?
Ҳа, агар муаммо материал ёки монтаж нуқсони билан боғлиқ бўлса ва кафолат шартларига мос келса, таъмирлаш кафолат доирасида бепул амалга оширилади.